المقادير بالتفصيل
ليمونتين نعصرهم ولو عصير الليمونتين قليل مو مشكلة حطي 3 او 4

ملعقة عسل كبيرة ( عسل نحل اصلي مو المغشوش ) انا استخدمت عسل سدر

فرشة صبغة بدل الصبغة حطي الخلطة
وافرقي شعرك ومرري الفرشة المغموسة بالخلطة على الجذور خليك رايحه وجايه ثلاث اربع مرات


الطريقة
نحط عصير الليمونتين وفوقها نحط ملعقة عسل نحل كبييرة
ونحركهم بالملعقة مع بعض صحيح بياخذو وقت بالتقليب بس بيذوب بالنهاية

القاعدة الاساسية
ناخذ شور ونغسل شعرنا 2 كوش مرتين في المره الواحده وننشف شعرنا تماما من الماء
ونبدء ناخذ عصير الليمونتين مع العسل
بطريقتين اختاري الأسهل لك :
الطريقة الاولى
ياناخذ المحلول بفرش الصبغة يعني نبل فرشة الصبغة بالخلطة ونمشيها على رووس الشعر أروح واجي ثلاث اربع مرات
علشان احرك القشرة الموجودة وأخلص الشعر منها
الطريقة هذي فعالة وحلوة أوي احط على جذور الشعر مو الشعر نفسه
لان الليمون والعسل بينشفو القشرة وبيعطو الشعر صحه وحيوية حلوة أوي
والي يشوف هذي الطريقة بتاخذ وقت ومو عاجبته < صراحه انا اشوفها رووعه


الطريقة الثانية
اجيب أي قزازة بارفان حقت التركيب الاوتومايزر الخاصة بالتعبئة
مو قارورة عطر فاضية تغسليها وتنظفيها لآآآآ في اماكن تبيع أزياز بارفان
لكن لاحد يسألني من فين نحصلها لأني مااعرف لذا انصحك بالطريقة الاولى الي اتبعتها
ابدء احط فيها المحلول الي سويته كلها وممكن تصفيها وممكن لا
ونبدء نفرق شعرنا ونرش في جذور الشعر والاماكن الي يكثر فيها القشرة زي مقدمة الشعر ونهايته بالمختصر فرقي شعرك داير مداير ورشي جذور الشعر
وممكن احتفظ بالمحلول بالثلاجه 3 , 4 ايام هذآ في حال لو حطيت كمية كبيرة داخل قزازة البارفان وقبل استخدامي لها للمرة الثانية ارجها جيدا

مدة ترك المحلول على الشعر
يجلس المحلول في شعرك ساعة كامله < انا خليته ساعة ونص

وبعد كذا اشطفي شعرك بمويه او تغسليه
طبعا اذا حسيتي انه جاف مره ممكن تغسليه وتحطي قطعة بلسم او قطعة حمام كريم

انا شخصياً غسلت شعري بمويه وبس من دون شامبو وحطيت شوية حمام كريم للشعر (فاشكول )

والنتيجة والله العظيم مافي قشرة الاقليل جدا جدا جدا

و لو عندك قشرة جامدة تقدري تعمليه مرتين بالاسبوع